Autogoverno del Popolo Veneto
Repubblica Italiana

Istituzioni costituite dell'autogoverno competente
ai sensi dell'art.2 L.n.340/1971 e L.n.881/1977



Sojeto: Governo Internasionae dei Veneti


Sto testo parla del riconosimento legae e de l'existensa del nostro
Governo, ca xe on Governo internasionae, pojticamente indipendente e
lejitimà inte el so teritorio sovran.

Ea nostra lejitimità e sovranità xe scrita inte e lexi internasionai e
Taliane. El Governo dei Veneti el ga sovranità inte el teritorio dea Talia
torno ea rejon del Veneto. El popoeo veneto xe prexente inte el teritorio
dea ex Serenisima Republica de Venesia, do volte pì grando de l'atua£e
rejon ciamà Veneto.

El popoeo veneto xe riconosesto daea lexe Taliana, Art.2 de lexe n.340 de
1971, che dixe "l'autogoverno del popoeo veneto se realixa inte na forma
ca corisponde ai carateri e ae tradision de a so storia".

Nea version Taliana el termine "popoeo" voe dire "xente che xe de na
nasion", no soeo "popoeo".

El riconosimento inte a lexe de l'existensa de el popoeo veneto xe de
estrema inportansa parké l'evita tuti i confliti pa otegnerla. El sora
scrito articoeo de lexe jera fato conforme a ea dichiarasion universae de
diriti de l'omo, inte l'ideae de omo libaro che poe godere de e libertà
sivii e pojtiche, libertà daea paura de voere, un ideae che poe soeo esare
un fato se e condision xe creà pa fare in maniera che tuti posa godere
sti diriti sivii e pojtici, come cuéi economici, sociai e culturai.

Se poe considerare el riconosimento de lexe fato par £a Republica
Taliana na naturae conseguensa dea obligasion de sto Stato a promovare el
rispeto de i diriti universai, e l'oservansa dei diriti de l'omo, dito
inte ea Carta de e Nasion Unie.

Ea jenerica obligasion dea Republica Taliana de promovare i diriti dei
omani xe anca dita inte ea Costitusion "Costituzione Italiana" so
l'articoeo 2, ma anca l'art.10 dea Costitusion Taliana dixe "Ea lexe
Taliana ga da esare conforme a e lexi internasionai generalmente aplicae." .

Na oncora pì specifica e precixa descrision de l'obligasion dea Republica
Taliana xe scrita inte el "Pato Internasionae sora i diriti sivii e
pojtici", fato da l' Asenblea Generae de e N.U. coa risolusion 2200A (XXI)
del 16 Disenbre 1966 ca xe entrà in forsa el 23 Marso 1976. El Pato xe sta
ratificà e fato executivo daea Talia el 15 Setenbre 1977 co a lexe
n.881. Pì vanti mi farà riferimento a sti "Pati Internasionae sora i diriti
sivii e pojtici" co el senplice termine de "Pato".

L'art.1 de el "Pato" dixe "Tuti i popo£i ga el dirito de autodeterminasion.
Pa virtù de sto dirito iori £iberamente stabiise a so pojtica e
£iberamente core drio i so intaresi economici, sociai e culturai e el so
sviupo."

Pa l'art.1 de'l "Pato" e par ea lexe Taliana n.340 de 1971 el popoeo
veneto ga el dirito de autodeterminasion, e, da sto punto de vista,
de totae indipendensa daea Republica Taliana. Invese, l'art.5 dea
Costitusion Taliana dixe che " ea Republica, una e no divixibie" ma
l'art.2.2 de el Pato dixe che

"Dove no xe xa dà pa existente nea lexe o pa altre maniere, ogni Stato
parte al prexente Pato se inpegna a tore e necesarie asion, in acordo
co i so procedimenti costitusionai e co e previxion del prexente
Pato, e adotare e lexi o e altre mixure che podaria esare necesarie pa
rendare efetivi i diriti riconosesti da 'l prexente Pato."

Dito in ciaro ghe xe l'obligo pa ea Republica Taliana a fare na riforma dea
Costitusion Taliana pa farme totalmente libari come un Stato Sovran.
L' art.10 dea Costitusion Taliana dixe "Ea lexe Taliana ga da esare conforme a
e lexi internasionai generalmente aplicae.", ea stesa Costitusion Taliana
eo dixe.

Durante i ultimi ani ea riforma dea Costitusion Taliana jera un fare continuo
del Parlamento, ma speso el Governo Talian gà ignorà i so prinsipi
fondamentai come £a Talia fuse xa morta.

Dito cuesto, pa'l momento ea lexe dixe che el popoeo veneto ga dirito al so
autogoverno, e stabiire na so pojtica £iberamente, corare drio i so intaresi
economici, sociai e culturai, ma no poe dichiara l'indipendensa daea
Republica Taliana o dichiararse cusita indipendente cofà na Republica.

De fato ea majoransa dei veneti podaria sieliere l'indipendensa se iori
savese che ea xe posibie, ma noaltri Governo Veneto deso dimandemo soeo ea
sovranità inte el nostro teritorio come un Governo Sovran inte el so
sovran teritorio, cofà Stato indipendente inte ea Republica Taliana.

Gnanca na dificoltà juridica poe esare contro a sto punto, e noaltri
dimandemo ea riforma dea Costitusion che a Republica Taliana ga da fare,
pa darme el conpleto dirito a l'autodeterminasion.

El 24 lujo 1999 on poki de veneti ga inisià ea autodeterminasion co ea
costitusion dea Nasion Veneta. Sti poki xe sta subito riconosesti da
altri Veneti.

El 27 lujo 1999 el popoeo veneto ga fondà on poke de istitusion de baxe,
cofà l'istituto pa ea Lengua Veneta, l'uficio de anagrafe dei sitadini
co e regoe pa otegnere ea sitadinansa veneta ( xe bastante esare rexidente
inte el teritorio veneto da al manco 10 ani e parlar veneto).

El 20 lujo 1999 l'inisio l'autodeterminasion dei veneti xe sta dita al
mondo, co na comunicasion aea stanpa mandà a mje indirisi.

El 31 lujo 1999 ea asenblea popo£are dei sitadini veneti ga dichiarà e
istituìo el so Autogoverno, co a elesion direta e democratica de
i menbri de Governo, oncora deso fato de do ministri dito "Caomistri".

El nostro Governo £aora inte i limiti del rispeto dei diriti del l'omo
dixegnai par el dito Pato internasionae. Sto Pato xe come na costitusion
pal governo inte ea normae situasion de paxe.

L' istitusion del nostro Governo xe fata sensa ea tentasion de separarse da
ea Republica Taliana, e ea dimostrasion xe che durante agosto e setenbre el
nostro Governo ga dimandà de esare riconosesto dae Istitusion Taliane come
Governo sovran dei veneti nea rejon inte ea Republica. Ea dimanda xe sta
mandà diretamente a e pì alte carike dea Republica Taliana e deo Stato
Talian, co e ricevue de copia mandae a mje veneti. Pare pero che i
raprexentanti dea Talia no i ghe sia o i xe asenti.

Xe cuà necesario che mi fasa ciaro sol fato che a Republica Taliana no xe
el Stato Talian o el Governo Talian. Sto fato xe ciaro inte el articoeo 5
de Costitusion Taliana che dixe " ea Republica, una e no divixibie, riconose
e promove e autonomie locai; inte i servisi che dipende dal stato
..... " che significa che el stato el fà no tuti cuanti i servisi, ma
invese ga da "adeguare i prinsipi e i metodi dea lexe a e exigense de ea
autonomia". In pì ea lexe n.142 del 1990 dixe che l'autonomia locae xe
rejonae o aree metropoitane, e iore ga l'autogoverno.

El Stato Talian ga da trasferire e funsion dal governo teritoriae (dea
rejon) ai Governi locai, ma tuto ea republica ga da promovare l'autogoverno
del popoeo veneto, anca se nea unità de ea Republica Taliana: sto cuà xe
ciaro e dovuo pa l'art.73 del tratato dee Nasion Unie che dixe:

" i menbri de e Nasion Unie che ga o se toe ea responsabi£ità de
l'aministrasion de na tera co popoi che no xe oncora rivà in mixura
piena a l'autogoverno, riconose el prinsipio che i intaresi de i autoctoni de
de sta tera xe prioritari, e aceta come sacra e co fede l'obligasion a
promovare al masimo, inte el sistema internasionae de paxe e sicuresa
stabiio par ea prexente Carta, el ben esare de i autoctoni de sti
teritori, e, a sto scopo:
[..]
b. de sviupare l'autogoverno, tegnuo conto de e aspirasion pojtiche
de sto popoeo, e a iutarli inte el progresivo sviupo de a so £ibera
pojtica istitusionae, in acordo ae particoari circostanse de ogni
teritorio e del so popoeo nei so vari livei de avansamento;

"

oncora deso el governo dei veneti no'l mete in discusion ea Unità Taliana,
noaltri deso no laoremo pa na republica indipendente come, xe riconosesto
esare crimine paea Republica Taliana, noaltri voemo el nostro autogoverno
che xe previsto par lexe e par ea carta dee N.U. cofà un Stato indipendente
inte a Republica Taliana.

El Governo Veneto £aora cofà un stato indipendente inte ea Republica
Taliana e l'Europa Unia, ma pa desgrasia se ga da dire che no semo
rispetà dal Stato Taliano e daea Republica in vioasion del tratato de e
Nasion Unie, co na censura che xe contro i diriti de l'omo, i diriti de
l'omo del "Pato" (art.10), e contro el tratato de Maastricht so l' Union
Europea (art.F.2) e anca contro ea stesa Costitusion Taliana (art.21).

Ea riforma de i statuti rejonai da poco tentà mete i sitadin veneti soto na
grave minacia, parké xe tocà l'art.2 de lexe n.340 che vegnaria scanceà, e
cuesta xe na pexante vioasion de e obligasion a "promovare" l'autogoverno
che ga ea Republica Taliana.

Pexo oncora, da poco na lexe dea Republica Taliana ga riconosesto dodexe
minoranse de lengua de £a Talia, ma no ea lengua veneta, che xe na lengua
parlà da pì de 2 milioni de veneti par stesa amision de l'Istituto Talian
de Statistica (ISTAT): xe ciaro che xe na vioasion de un dirito fondamentae
e na discriminasion de rasa,m rasismo. De fato, i judici dei Tribunai de
Republica Taliana nega el rispeto dea lengua veneta, e anca on poki altri
de diriti fondamentai de proceso fondamenta, el dirito de difendarse in
judisio.

El Stato Talian no xe drio promovere l'autodeterminasion dei veneti, e el
xe drio £aorare contro i veneti: sta cuà xe na vioasion de norme
internasionae del Pato che ghe dà dirito ai venti de stacarse daea Talia
e basta.

Par ea lexe Taliana e pa'l Pato internasionae firmà, ea Talia ga da:

1) darme el masimo aiuto;
2) dire publicamente e iutare ea nostra autodeterminasion;
3) darme e nostre risorse naturai e finansiarie pa fare e nostre istitusion;
4) asarme decidare £iberamente el nostro sviupo economico.

circa sto ultimo punto, el Stato Talian ga da trovar pì de 70.000
miliardi pal bi£ancio nasionae Taliano, che xe cuanto i veneti paga a
aea aministrasion sentrae talian in forma de tase direte ogni ano.

L' atuae conportamento del Stato Talian xe cuéo de £aorare contro ea
autorità pojtica del Governo Veneto nel so steso territorio, un ato de
guera, ma noaltri ghemo scumisià autopagarse e tase nea nostra
aministrasion fiscae el dì de l' 11 novenbre 1999.

Voria dire de novo che noaltri no voemo a separasion daea Republica
Taliana, noaltri no metemo in cuestion ea unità dea republica, noaltri
voemo i nostri diriti de l'omo scriti inte ea lexe Taliana.

Na letara cofà cuesta del Governo Veneto xe sta mandà internasionalmente pa
dimandarghe al destinatario de £aorare in aiuto aea nostra
autodeterminasion, dimandando al Stato Talian e aea Republica el rispeto
dee lexi internasioni e dea Carta de N.U..

Noaltri veneti ghemo el dirito de tegnere na pojtica estera autonoma,
noaltri ghemo el dirito de fare comunità internasionai co e altre nasion o
stati che preferimo.

El Popoeo Veneto ga xa fato na lexe autonoma sivie penae in codici
difarenti da cuéi del Stato Talian, ma el Governo Veneto xe derobà del nostro
dirito de publica comunicasion istitusionae.

Come nasion storega e democratica riconosesta pa lexe, el popoeo veneto
ga el dirito juridico de raprexentarse iu soeo inte e Nasion Unie e l'Union
Europea.

Come popoeo europeo noatlri dimandemo i nostri menbri inte el parlamento
europeo come prevede el tratato de Maastricht. I menbri raprexentanti
dei veneti ga da vere ea sitadinansa veneta, no soeo cuéa Taliana sielta
da poitici Taliani. So sicuro che Prodi Romano nea Comision Europea farà
tuti i necesari rangiamenti pa forsar ea Aministrasion Taliana a rispetare
el Tratato dea Union Europea.

Come popoeo riconosesto co on autogoverno ecuiva£ente a on Stato, pa
l'art.1 del tratato dee Nasion Unie noatlri dimandemo el nostro
raprexentante a l'asenblea dee N.U. e dimandemo a l'asenblea de riconosare
el nostro dirito de nasion de autogovernarse.

Pal momento noaltri semo drio rinforsare e far cresare e nostre
istitusion, e faremo tute asion pojtiche e economike che sarà necesarie.

E vioasion continue dei nostri diriti de l'omo e dei tratati fata par el
Stato Talian e a Republica Taliana, xe na vioasion de a paxe e del sacro
obligo a promovare al masimo ea nostra autodeterminasion inte el sistema
internasionae de paxe e sicuresa. Xe ovio che ste vioasion me forsarà
a organixare anca on nostro sistema de forse de sicuresa e a far tuti i
£aori che sarà necesari a protejere i nostri diriti etnici da ste vioasion.

Se a comunità internasionae no me iutarà, noatlri saremo costreti a fare
asion che no xe nel nostro ideae e che no amemo, pa exenpio far un scheo e na
moneda fora dal sistema de l'EURO.

Presto faremo ea regoasion de setore dei media (TV e radio) parké
ghemo el dirito a farlo.

Go da metare in ciaro che par lexe soeo el Governo Autonomo dei Veneti, che
semo noaltri, poe fare cofà el governo de un Stato: el Governo del
Popoeo Veneto xe cofà un stato inte ea Republica Taliana, che xe federae,
sol modeo dei Stati Unii o dea Svisera.

El letore fasa atension, par piasere, a no far confuxion fra l'Autogoverno
dei Veneti o del Veneto, che semo noatlri, e dee altre organixasion che se
dixe Venete ma no ga el riconosimento dea lexe e poe anca esare considerà
soversive dal Stato Talian.

Par exenpio, nea lexe, el governo dea rejon "Veneto" no xe el governo del
popoeo veneto, ma el xe el governo rejonae del Stato Talian fato dal Stato
Talian sensa el consenso de Veneti: sto discorso voe dire che el governo
rejonae veneto dea Talia poe fare soeo cuéo che xe scrito inte a lexe e inte
el so statuto. Se a rejon veneto farà dimanda pa na autonoma prexensa o
riconosimento iu ga da denunciare el fato al Stato Talian parké saria na
minacia a l'intiera Republica Taliana.

Al contrario dea aministrasion nea rejon Veneto del Stato Talian,
l'autogoverno dei veneti poe fare tuto, anca tuti i ati internasionai che
ea rejon Veneto no poe fare.

Altre organixasioni rivendica ea Potestà Poitica del Popoeo Veneto, pa
exenpio na serta "Serenisima Republica" o "Stato de Venesia" de un cusì
dito "Congreso dea Nasion Veneta": i dixe de esare Veneti ma i podarìa
esare benisimo taliani o tedeschi che tanto no i parla veneto e no i uxa el
veneto cofà lengua uficiae.

Sta cuà e altre organixasioni che se dixe venete , ga da esare prexentà al
Governo Talian come el problema de far ciaro sol nostro numaro e a necesità
de far subito un referendum par l'autodeterminasion come Stato indipendente
o come Republica Sovrana.

Al dì del 09 jenaro 2000, l'Autogoverno Veneto xe ea pì granda organixasion
veneta che exercita nei fati ea sovranità veneta, co na so economia, na
pojtica, na moneda, e dee lexi penai.

Noaltri dimandemo a tuti i Stati e a tuti i governi europei un controeo sol
proceso de autodeterminasion dei Veneti.

Soeo el nostro autogoverno de veneti xe cuéo dea nasion veneta e del popoeo
veneto che ga el "Political Statute" dà par lexe, che significa che no'l xe
sojeto a controeo o limitasion de gnanca on organismo deo Stato Talian.

Come el popoeo veneto ga dimandà ae istitusion Taliane e rejonai de
trasferire tuti i poeri al governo veneto (decolonixasion), ghemo anca
dimandà a e istitusion internasionai e fare de tuto pa far obligo al Stato
Talian de rispetare e lexi. Cuesta xe a nostra ultima speransa de
tranxision pacifica.

Sicome ea tranxision pacifica xe negada, el Tribunae del Popoeo Veneto gà
verto na inchiesta judisiaria pa verificar chi che xe drio £aorar contro
i diriti sovrani dei veneti, na inchiesta pa ea vioasion de l'articoeo 1 dea
Lista dei Crimini Veneti che poe rivar aea condana a l'ergastoeo.

Co i ebrei i jera masacrai da i tedeschi ne i canpi de concentrasion
durante ea seconda guera mondiae, no se gavaria mai imaginà che 30 ani pì
tardi uno de cuéi generai tedeschi el vegneva caturà in Argentina dai
servisi segreti, procesà e condanà a morte inte on Stato ca gnanca existeva:
Ixraele. E se diman sucedese anca a chi ancò £aora contro i veneti?


Un gran grasie pa l'atension e pa ea fadiga che El farà pa
promovare sto dirito dea nostra nasion, che no xe pì un fato interno
dea Republica Taliana ma un fato de dirito internasionae.

Palmerini Loris
incaricà pa e relasion foreste dal Governo Veneto.

Tel 0347 1416187
(v. Rossi 73, 35030 Ruban (PD) )


torna a l'indice

Scrivaghe a l'oficio informasion de l'Autogoverno
visitatori da'l 8 apri£ 2000

Repubblica.org (2000) diriti riservai
Page produced with Linux NT "Eclipse"

Ajornamento 08 Apr 2000