OJETO: Tribuna£e Popo£o Veneto: conbinà disposto 03 diçenbre 2001 da£e lexi e in sostitusion
El Prexidente del Tribuna£ del Popo£o Veneto,
- visti i ritardi de publicasion dei decreti del governo dovesti a£a carensa de risorse provocà da£a ocupasion foresta;
- in vigi£ansa dei diriti umani e pa£a iretroatività de£a lexe pena£ e pa i poeri de aplicasion de£a lexe in difexa dei diriti nasiona£i del Popo£o
Publica e rende executivo so'l teritorio nasiona£
el conbinà disposto da£e lexi e in sostitusion de:
- decreto trasferimento poteri del Stato Talian a l'AGV del 26 jugno 2001
- decreto de emision de tito£i de stato del 12 jugno 2001
- decreto de sgravio fisca£e so i tito£i de stato del 22 jugno 2001
- decreto istitusion de provincie nove del 27 marso 2001
- decreto autorixasion a£e funsion del 12 diçenbre 2000
- decreto de istitusion de£a po£isia nasiona£e del 12 diçenbre 2000
- decreto d'urgensa del 09 diçenbre 2000
- ordinansa del 14 novenbre 2000
1) ex ord.14/11/2000, Ordinansa a£e aministrasion loca£i
Drio £a re£asion del Cao de£e finanse so £a verifica dei pagamenti IRPEF dea scadensa de l'11 novenbre San Martin, riscontrà £e dificoltà de reperire £e tase dai çitadini Veneti par l' evidente stato de terorismo e de dixinformasion dei ex aministratori (istitusion co£onia£i de governo Talian), se incarica el Tribuna£e de perseguire £e istitusion dite prima par omision dei ati de ufisio co difide e dimande de rinborso dei schei avui dai çitadini Veneti, e ordinare ai stesi aministratori co£oniai de divulgare ai abitanti del teritorio de conpetensa de l'autogoverno Veneto l'obligo de rego£amentarse co £e dispoxision de lexe de l'autogoverno.
2) ex ord.14/11/2000, novo ministero
Se delibera £a costitusion del "ministero de£e poste e de£e comunicasion".
El Cao asegna el ministero "educasion e università" al ministro Stefano Cardin che vien deposto da l'incarico de ministro del ministero de artijanato comercio e turismo.
3) ex ord.14/11/2000, radio on-line
Xe aprovà el projeto de na radio on-line co l'acuisto de cuatro cuote so'l projeto privato ( vedi Jader Mastella).
4) ex ord.14/11/2000, aventino eletora£e
Xe indeto l' aventino eletora£e par tute £e elesion de£e istitusion co£onia£i taliane fate in tel teritorio de conpetensa del l'autogoverno del Popo£o Veneto, con el conpito de racolta dei certificati eletorai scominsiando el jorno dopo £e votasion.
5) ex decreto de Cao del 09/12/2000, Stato de Emergensa inte £a Alta Padovana
El caomistro Luciano Franceschi Prexidente eleto da l'Asenblea nasiona£e dei veneti el 4 setenbre 2000,
VISTI
- £a situasion de difuxion de£a crimina£ità;
- i raporti dei servisi;
- sentìe £e segna£asion de£a çitadinansa de£a xona nord de£a provinçia de Padoa, de£e scoribande de na perico£oxa banda de crimina£i [scanceà]
- verificà che el stato de sicuresa dei çitadini de£a xona indicà xe minacià a tal ponto da pore in stato de terore £a popo£asion che se sente privà del dirito uman a£a trancuiità persona£e e del dirito a£a integrità de£a so proprietà privada;
DECRETA El stato de emergensa ne£a xona nord de£a provinçia de Padoa fin ai confini de Casteo (Castelfranco Veneto).
ORDINA a£e forse de po£isia Veneta de intervegnere par metare fine a stà situasion, de exeguire l' aresto de£a banda individuà dai raporti; de inisiare £e operasion [scanceà] e fin che no sia sta arestà tuti i conponenti de£a banda.
Dimanda al Tribuna£e del popo£o Veneto de informare tute £e forse armae del teritori che gabia jurà fedeltà a£a Republica Taliana par el necesario coordinamento, e de informare tuti i organi de informasion prexenti inte'l teritorio. In conformità a£e potestà asegnae da£e lexi.
El Cao Luciano Franceschi
6) Ex decreto 12/12/2000, norme pena£i e autorixasion a£e funsion
Ogni persona che sensa autorixasion exercita una cualsiasi funsion asegnà da£a lexe veneta a na autorità Veneta comete reato de uxurpasion de funsion, e ga da esare dichiarà in aresto so'l momento da chiuncue. I dichiarai in aresto pa uxurpasion vien condanai co un minimo de cuindexe ani de prexon co £a xonta de rixarcimento e detension secondo gravità e insistensa del reato.
L'uxurpasion de funsion mi£itari xe punìa co na volta e mexa £a pena prevista in altri casi. Sto reato vien xontà a£a lista dei crimini Veneti.
7) ex decreto b 12/12/2000, istitusion de£a po£isia nasiona£e
[scanceà] el governo decreta £a costitusion de£a poisia nasiona£e, diretamente comandà dal cao de£ governo, co'l potere de:
- proclamare el bando de aruolamento vo£ontario;
- stabi£ire £a strutura organixativa;
- comandare £e operasion nei limiti de£e lexi vigenti.
8) ex decreto 27/03/2001, istitusion de provincie nove
El governo decreta l' istitusion cofà provincie autonome de£e çità:
a01) Adria Lendinara a02) Axiago
a03) Basan Del Grapa a04) CampoSanPiero
a05) Casteo a06) Cioxa
a07) çitade£a a08) Conejan
a09) Cortina D'An Peso a10) Crema
a11) Dexensan a12) Este
a13) Feltre a14) Legnaro
a15) Lumazzane a16) Mestre
a17) Monfalcon a18) Monse£exe
a19) Montagnana a20) Montebe£una
a21) Palmanova a22) Peschiera del Garda
a23) Saci£e a24) San Donà de Piave
a25) Schio a26) Soave
a27) Tarvixio a28) Thiene
a29) Vitorio Veneto
Ste provincie conprende el teritorio del Comune e de cuei normalmente soto mandamento. Ogni provinçia ga on Tribuna£e de Justisia na Prefetura, na xonta de aministrasion Provinçia£ e na aministrasion fisca£ de contro£o.
Ogni provinçia ga on Cao Podestà eleto diretamente da£a popo£asion e rinovà ogni çincue ani. Xe ameso referendum abrogativo so £a istitusion de£a Provinçia.
9) ex decreto 12/06/2001, emision de tito£i de stato
Se de£ibera £a stanpa de ulteriori 5000 çincuemi£a tito£i de stato: come da decreto lexe precedente del 04 jugno 2000 ( del vo£ore de 500 Euro cada uno) de altri 5000 da vidimare el jorno de£a proclamasion del Stato Veneto.
Se stabi£ise che dal numaro 5001 al numaro 10000 xe i tito£i da destinarse pa promosion pa'l dì de£a proclamasion; cuei dal numaro 1 al numaro 5000 i vien vendui al 50% del so va£ore e i poe esare al portatore, so £a matrice de l'intestasion poe esarghe scrito so£o el finansiatore o anca gnente.
10) ex decreto 22/06/2001, sgravio fisca£e so i tito£i de stato
Se delibera che i tito£i de stato emesi e distribuii ai finansiatori no i xe sojeti a tasasion alcuna fin al dì de£a proclamasion.
11) ex decreto 12/06/2001, de£ega de funsion publiche
Pa atività specifiche e limitae inte'l tenpo el governo poe incaricare tersi al conpimento de funsion publiche. Inte'l caso no vegna specificà, el tenpo de incarico casca dopo i 60 jorni. I tersi incaricai ga da esare registrai so un aposito registro dove ghe xe scrita £a funsion specifica controfirmà da l' incaricà. Inte'l caxo che l' incaricai no fasa £e funsion come on pare de fameja el risponde par i dani cauxai e secondo Jurisprudensa.
12) ex decreto 26/06/2001, trasferimento poteri del Stato Talian a l'AGV
Sta lexe del Governo del Popo£o veneto trasferise i poteri da£e aministrasion del Stato Italiano a cue£e de autogoverno del popo£o veneto dovesto par £e lexi de£a Repubblica Italiana
- "Pati internasiona£i" fati lexi co "legge" n.881 del 1977
- art.2 "legge" n.340 del 1971
- "legge" n.142 del 1990
- Decreto del "Presidente della Repubblica Italiana" n.633 del 1972
Testo de lexe:
art.1) Tute £e aministrasion Comuna£i, Provincia£i e Regiona£i so'l teritorio de£e çità de Be£un, Bergamo, Bresia, Crema, Monfalcon, Padoa, Pordenon, Rovigo, Trevixo, Udine, Venesia, Verona e Vicensa e £e altre çità de nasiona£ità veneta pasa soto el contro£o, £a proprietà e l'aministrasion direta de'l Governo del popo£o veneto.
art.2) Decade da£e funsion e dal dirito tuti i organi eleti co sistema eletora£ del Stato Italiano (leggi italiane).
art.3) i ex sindaci, i ex prexidenti de provincia, i ex prexidenti de rejon so'l teritorio veneto vien incaricà par cooptasion de l'aministrasion direta de i stesi enti de dove i xe decadui co i poteri de comisari ad acta straordinari del Governo del Popo£o veneto.
art.4) i comisari ad acta, diti proveditori, i xe obligai al l'aministrasion escluxivamente secondo el sistema de lexi venete de l'autogoverno, fate salvi i diriti de autoorganixasione e de autogoverno previsti da£e lexi costituenti de l'autogoverno del Popo£o veneto.
art.5) i comisari-proveditori gà el conpito de inisiare imediatamente £a procedura de elesion inte £a so aministrasion, co data de svolgimento de £e elesion el dì 11/11/2001.
art.6) inte £a so aministrasion ordinaria o pa fati ecesiona£i, i comisari-proveditori ga da dispore dei beni dei çitadini inte'l rispeto de£e lexi çivi£i e pena£i de autogoverno del popo£o veneto çitadini, a pena pena de £e sansion indentro previste.
art.7) El teritorio nasiona£e veneto indicà vien costituìo e vegnarà ciamà inte i ati aministrativi co'l nome de "Area metropo£itana de Venesia", cofà ente loca£ metropo£itano e governativo autonomo anca secondo el dirito de suplensa a£e aministrasion italiane fora lexe so£a costitusion de£e aree metropo£itane, soto governo po£itico de'l governo del Popo£o veneto.
art.8) inte ogni ato dei comisari-proveditori ad acta continua doparar i sinbo£I tradisiona£i dei comuni provincie e rejon che i aministra. inte'l teritorio metropo£itan £a proprietà de sti sinbo£I e l'uxo escluxivo xe riservà a aministrasion soto el direto contro£o de l'autogoverno veneto. Xe reato art.1 dea lista crimini l'uxo no autorixà de sti sinbo£i e de cue£o de£a Repubblica Italiana sensa l'autorixasion scrita del Governo del Popo£o veneto o contro l' intarese nasiona£e veneto.
art.9) Tute £e forse de po£isia, de sicuresa e armae sora el teritorio pasa soto £a diresion del governo del popo£o veneto.
art.10) tute £e aministrasion italiane no indicae pasa soto £a diresion del Tribuna£ del Popo£o veneto, salvo che un decreto del Governo asegna na aministrasion a un Cao Mistro o a un comisario ad acta.
art.11) el Tribuna£ del Popo£o veneto xe dimandà de sentensiare sora £a lejitimità de sto decreto e notificare i organi de'l Stato Italiano de£e conseguense, ndando a verificar so £a so atuasion se de'l caxo ndando a sostituire da l'incarico i comisari fora lexe.
Sto decreto xe executivo dal dì dopo £a publicasion inte'l sito internet www.repubblica.org/governo/veneto, e xe fato obligo de rispetarlo da parte de tuti i esari umani sora el teritorio nasiona£e veneto.
Fina£e del Decreto del Presidente del Tribuna£ del Popo£o Veneto
Sto decreto de alta aministrasion de autogoverno xe executivo cofà decreto de Governo del Popo£o Veneto.
L'Asenblea nasiona£ el Governo po£ contestarne l'aplicasion entro 60 jorni.
In nome del Popo£o veneto el dì 03 diçenbre 2001
Loris Palmerini
Prexidente eleto del Tribuna£ del Popo£o veneto
Indice Decreti
"In NESSUN CASO un popolo può essere privato dei propri mezzi di sussistenza."
punto 2 art.1 "Patto internazionale sui diritti economici, sociali e culturali" , adottato dall'Assemblea Generale dell'ONU il 16/12/1966, ratificato dall'Italia il 15.09.1978; ordine d'esecuzione dato con legge n. 881 del 25.10.1977. "Pacta sunt Servanda", firmato un patto se ne diventa schiavi.
Aggiornamento 04 Dec 2001
Page produced with Linux NT "Eclipse"