"£" se lexe "e" o "l" o £a xe muta a seconda del dia£eto.
--------------------------------------
Borborico el 01/08/2000
El Governo de'l Popo£o Veneto :
- considerà ca ai sensi de 'l artico£o 2 de£a lexe
Costituziona£ n.340 de'l 1971 el popo£o veneto el xe riconosesto e ga
dirito de autogoverno do che el xe prexente ;
- considerà ca l' "autogoverno de'l popo£o veneto " el xe sta dichiarà inte
Borborico de Padoa el 27 lujo 1999 cofà lexe de l'art.2 de£a
L.n.340/1971 e el ga indentro anca el "Governo de'l Popo£o Veneto"
autodeterminà cofà lexe dei pati internasiona£i recepii da£a
L.n.881 de'l 1977 ;
- considerà ca pa £a dita lexe taliana n.881/1977 e pa l'art.2
de£o Statuto dell'ONU el Governo de'l Popo£o Veneto ga sovranità politica,
de aministrasion e de£a lexe sora £a tera dea Talia de£a ex Veneta
Republica Serenisima e suxo ta£ tera ta£i podestà £e xe de'l popo£o
veneto anca do che el xe so£o na minoransa, podestà ca'l Popo£o ga delegà
co elesion democratiche a£ Governo de'l Popo£o Veneto ;
- considerà ca el Governo de'l Popo£o Veneto el xe l'autorità de fondamenta
de£o Stato Veneto ai cofà lexi n.881/1977 e dell'egua£ dirito
de autodeterminasion de'l popo£o veneto ca el Stato Talian ga senpre da
rispetar inte'a conformità e pa i scopi de£o Statuto de£e Nasion
Unie, dandoghe forsa co'l masimo de risorse a ta£ dirito ;
- riconosesta inte'a lexe e inte'a storia £a piena conpetensa territoria£
e nasiona£ de£e istitusion de autogoverno veneto inte'e province de
Beluno, Bergamo, Bresia, Crema, Monfalcon, Padoa, Pordenon, Rovigo,
Trevixo, Udine, Venesia, Verona e Vicensa e inte £e tere
che ga fato parte de£a Veneta Republica Serenisima fin'l momento de£a So
cadua de'l 1797 ;
El Governo de'l Popo£o Veneto/Autogoverno dei Veneti
DECRETA
1. Xe sojeto a sto decreto £a tera nasiona£e dei veneti fata
de£e sità de Beluno, Bergamo, Bresia, Crema, Monfalcon, Padoa,
Pordenon, Rovigo, Trevixo, Venesia, Verona, Vicensa e i so circondari
provinciai.
2. A£e aministrasioni comuna£i de'l tera nasiona£e veneta xe fato
obligo de riscosion dell'inposta I.S. de'l 20% ca i sitadini e £e
inprese ga da versare inte el mexe drio a l'incaso efetivamente
realixà in pagamento de servisi o scanbi comercia£i (ex i.v.a. )
3. I versamenti và depositai sora'l conto corente posta£ intestà a£
comune.
4. Xe delegà £a riscosion de l'inposta so'l reddito azienda£ o
persona£ pari a£ 2% (ex-irpeg e ex-irpef ) pagà so£a conpetensa
de l'ano so£are prima de l'11 novenbre de ogni ano.
5. Speta a£ Sindaco el contro£o de£e irego£arità contabili, a mexo
de contro£i contabi£i a£e dite, ai sitadini, ai aministratori
no inporta come nominai, rexidenti inte'l tera comuna£e.
6. E irregolarità riscontrate ga da esar denunciae da'l
sindaco a£ Tribuna£ de'l Popo£o Veneto che ga da far partire el
proceso e far sentense justa cofà caxi de lexe.
7. El sindaco o l'aministratore da ju nominà poe doparare pa
i scopi socia£i, de aministrasion, de autorità e pa £e opere publiche de
so conpetensa £a soma del 70% de£e inposte riscose, secondo £e
indicasion de£e asenblee comuna£i tegnu in conto dei risultai de voto dei
sitadini co referendum pa £e opere de partico£are rilevansa o costo.
8. El 30% vansà de£a racolta de£e tase va versà a£ ministero
de£e finanse de'l Governo de'l Popo£o Veneto inte el mexe drio a£a
racolta, anca dopo £a proclamasion de£ Stato Veneto inte'a republica
Italiana ;
9. No xe amese altre inposte a£ de fora de ste in de£ega a£e aministrasion
comunali, ma se poe regolamentare go justisia l'uxo de beni e spasi del comune.
10. I comuni poe dimandare so£o i pagamenti pa i servisi doparai dai
sitadini che i dopara veramente, e i xe sojeti all'inposta I.S..
11. I sitadini veneti co reddito pì baso de 10.000.000 de £ire inte'i 12
mexi prima, ciapa rinborso pa i servisi otegnesti.
12. No el xe amesa gnanca na spesa da parte de£e aministrasioni fora de£a
liquidità de casa xa disponibile.
13. Na copia de sto decreto e del so compare inte'a lengua taliana ga da
esar meso publico in tuti ufici comuna3i, publicà suxo almanco 1 giorna£
locale, el sindaco ga da darne notisia inte'a te£evixion loca£ anca a
pagamento.
Sto decreto xe da aplicare subito e va oservà da parte de tute £e
aministrasion de'l tera de conpetensa dell'autogoverno veneto de£a ex
Veneta Republica Serenisima a£ momento de£a so caduta de'l 1797.
Chi no £a rispeta vien sansionà co'l caxo de l'artico£o 1 "Lista dei
Crimini " cofà da art.241 e 273 C.P. italiano.
Pa el Governo
El Prexidente de'l Governo de'l Popo£o Veneto
Franceschi Luciano
Indice Decreti
"In NESSUN CASO un popolo può essere privato dei propri mezzi di sussistenza."
punto 2 art.1 "Patto internazionale sui diritti economici, sociali e culturali" , adottato dall'Assemblea Generale dell'ONU il 16/12/1966, ratificato dall'Italia il 15.09.1978; ordine d'esecuzione dato con legge n. 881 del 25.10.1977. "Pacta sunt Servanda", firmato un patto se ne diventa schiavi.
Aggiornamento 08 Aug 2000
Page produced with Linux NT "Eclipse"